في المول

وحدة تگول ؟؟جنت بالمول ووياية اخوتي الصغار وأكو واحد يعاكسني ويتحارش بية  😮
ووين ماأروح يجي وراية ويضل يحجي كلام موحلوو  🤔
لحدما انفجرت بوجهة وصرت عصبية عليه😡 وضليت اصيح علية واسبه بصوت عالي
الى ان التمو الناس وكاموا يتفرجون علينا والأمن سمع واجوي من بعيد بأتجاهنه؟
فجأة لگيت الشاب اللي اتحارش بية واگف ومرعوب  🙄
وعرگان ويباوع عليهم مرة وعليه مرة .. ماشوفه اله رفع ايده وضربني ع وجهي وصرخ انتي …طالق طالق …طالق ..  😳
وراح كام يمشي سريع وهو يمثل انه صار عصبي عليه وفات من يم الامن ومن گدام الناس كلها وطلع برا المول .
واني واگفة ومذهولة وابجي من قوة  ووجع الكف واگول طالق ! زين طالق شلون ؟؟ 
واني اقصد اني طالق شلون واني اول مرة اشوفك !
بعدين اكتشفت ان الناس فاهمين اني مصدومة ان زوجي طلقني  🤔
واجوي النسوان بأتجاهي ويواسوني
ويگلولي حرام عليج عصبتيه للرجال ليش وانتو طالعين دتتونسون؟؟ 🙄
ويأشرون على اخوتي الصغار ويگولولي زين وهذول شنو ذنبهم😮
بعد الموقف هذا ردت اموت من الضحك واموت واعرف
جاب الفكره منين ابن الحيوانة  🤔
حسبي الله ونعم الوكيل البنات تروح عالمول ويشوفها شاب صدفه ويحبها ويروح يخطبها
واني اروح للمول ارجع مضروبة ومطلقة .. لاء وعندي اطفال همين