نتائج البحث للتصنيف : ‘علا ئيات’

لم يعد الصمت ممكنا – الرد على التساؤلات

السبت 2 , 01, 2010
الرد على الاسئلة الواردة في موضوع بمناسبة احتفال الشيعة بعاشوراء علاء العبادي قبل بضعة ايام وردني هذا الايميل عن طريق احد المواقع العربية وحاولت ان ارد على المرسل الذي فهمت من تعليقه الاولي ان هذه الاسئلة ليست له وانه اكتفى بوضع ماسماه بالاحتمالات اي باحتمالات الاجابة على هذه الاسئلة وقد ترددت طويلا في الرد ليس لكوني شيعيا ولكن لتوضيح وتبيان بعض الحقائق التي قد تغيب عن البعض ممن لم يقرؤا او ليس لديهم علم بما يطرح من قبيل هذه الامور سواء كانوا من السنة او الشيعة ولكنني تذكرت بعد ذلك اننا كمسلمين  وليس كشيعة فقط قد عانينا كثيرا وعلى مدى عمر الاسلام من هذه الطروحات وشبعنا من المهاترات التي كانت تتجاذب المخالفين والمختلفين في امور الدين والدنيا وفي امور قد تكون اهم بكثير مما هو مطروح ادناه على سبيل المثال مسألة خلق القران التي اثارها المامون وعانى منها الكثير من العلماء وفي مقدمتهم الشافعي وابن حنبل ناهيك عن مئات بل الاف التفاصيل التي كانت ولاتزال تتعلق بتفسير القران واسباب نزوله والناسخ والمنسوخ الى الاحاديث النبوية الشريفة الصحيح منها اوالموضوع ..الخ لقد كان...

يوسف الخير

السبت 2 , 01, 2010
يا فؤادي مالك اليوم نجيا غير نبض لم يزل بعد وفيا منذ سبعين مضت هل ترتجي أن ترى العمر سباقا أزليا مالك اليوم وقد فاجأتني بانسداد خلته بات قصيا ملا الدخان صدري بعدما ملأ الهم فؤادا بابليا ايها القلب الذي لما يزل في ضلوعي ما جرى العمر سخيا تحمل الشوق الذي لا ينتهي وغراما هام فيه عبقريا قد خبرت العيش حتى انني قد سئمت العيش كهلا وصبيا فترفق لن ترى غيري فتى وتمهل لن ترى غيري تقيا لن ترى الشيخ الذي ارهقته منذ خمسين سقيما أو شقيا ستراه في ربى دجلة يسعى يطلب الغيد صباحا وعشيا سترى بغداد مدت كفها لفتاها وترى الأمر الجليا ليت بغداد التي ودعتها تحفظ الشوق الذي ظل نديا قلت للجراح اني لم أزل لك شاك ان بقى الحل عصيا بك أرجو أن أرى الجرح الذي في فؤادي لم يعد يسكن  فيا فتراني جئت عمان التي كنت فيها  هانيء العيش رضيا جئت عمان التي أحببتها ومليكا قام فيها هاشميا يزرع الحب على أبوابها ليت هذا الحب يبقى سرمديا وطبيبا سره في سحره وحكيما كان دوما ألمعيا بث جالينوس فيه علمه وابن سينا قد رأى فيه الوصيا حفظ العهد الذي أوصى به وأبو الطب صداه العبقريا ومن الرحمة أن نم...

الهجرة الى مصر

السبت 2 , 01, 2010
يابو مؤيد ليش رحت وعفتني دوم بحزن ظليت من فاركتني يمعود شوازاك رحت وعفتنه وانته الكلت ماروح واترك وطنه يا محمد اشوازاك واطلعت قبلي وانه الجنت ظلك تره وانته لي ظلي عفت العراق شلون وعفت السفينه ظلت بعد فركاك كلش حزينه ظلت عليك تنوح كرخ ورصافه حتى النخل والماي كالوا حسافه للقاهره اتعنيت والاردن اقرب بعدك انا ظليت الطم وانحب بعدك انا ظليت اظلم نهاري بس الرعب والخوف بنشرة اخباري بعدك تره بغداد صارت حزينه صار الرعب كل يوم يمله المدينه والاعظمية شلون رحت وعفتها هذا اليجر بالطول وذاك اليعتها حاميها والنعمان حامي السفينه بس هوه تالي الليل تسمع ونينه لاتشرب من النيل مي دجله اطيب ترمس ادز مليان لوردت تشرب اذكرني كلما تروح الخان الخليلي بلكت اذا ارتاحيت يفرح دليلي واسال ابو الهول لوزرت الاهرام كله القلب يازين مايقبل ينام كله وبعد وياه سولف واحجي احجي وابد لاتخاف لو ردت تبجي واتذكر...

مرثية الشيخ عبد الرسول

السبت 2 , 01, 2010
شدت قبري عند ألثوية راجي عطف حامي الحمى وصي الهادي فإذا قيل من بها قال عني حل ضيفا عبد الرسول ألعبادي عبد الرسول العبادي         مرثيــــة   الشيخ عبد الرسول ألعبادي   الذي وافاه الأجل يوم 31 كانون الأول 1978   دفن في مقبرته في مسجد كميل بن زياد في مدينة النجف الاشرف                 ايها القلب الاما تحسب النور ظلاما وعلام الحزن قل لي ايها القلب علاما بعد خمسين تراني لم ازل بعد ملاما كلما الحزن براني زرت قبرا واماما كالملايين ترانا نحسب الحزن اعتصاما ليس في الحزن هروب لم يكنقط انهزاما كل نفس سوف تلقى ماجرى العمر حماما فاشرب اليوم هنيئا مترع الكأس مداما واجعل العيش سبيلا والملذات مراما في غد تمسي ترابا والى الدود طعاما إن في الموت حياة طالما المرء استقاما   سيدي الشيخ سلاما لك مني واحتراما كم صحا فينا الحنين وصحا الشوق وناما قد شربنا العمر حتى اصبح العمر حطاما وجرى الليل علينا كم رعى الليل ظلاما قال عنك الناس شيخ ليتهم قالوا...

ولقد ظلمت

السبت 2 , 01, 2010
ولقد ظلمت وتدعي إن العدالة منهجك آلمتني وظلمتني وتقول لي اني معك أنصفت غيري إذ شكا وهو السعيد بما ملك وإذا شكوت تركتني أدعو عليك وألعنك حقي يضيع لأنني ما كنت قط لاخدعك العدل فيك حسبته هل كان ذلك مسلكك والعدل ليس بسابق احدا ولعله لم يسبقك ضاعت حقوق الأولين بالإفك مذ ضاعت فدك عشمتني بالمغريات وبأنني باق معك هل كان ديدنك الجحود أم عدم المرؤة ديدنك اني وفيت وربما بعض الوفا قد أجهدك عهدي بمثلك أن يرى مثلي يعيش ليخذلك انصف فديتك إنني ما كنت قبل سأسالك الخير فيك وجدته ووجدت غيرك قد سلك لولا الخيانة لم أزل أصغى إليك وأسمعك الحاسدون تآمروا وتلاعبوا في معملك إن اللئام تنافسوا وتراهنوا أن أتركك ضحكوا عليك لانهم زمر تعيش لتسحقك هذا الغباء بعينه يمشي اليك ويصفعك والحق باد هل ترى غيري يشير وينصحك من ذا تراه بحقده أو بالنميمة غيرك لو كنت تسمع جيدا لسمعتني إذ قلت لك لو كنت أنت تقودنا وتركت غيرك يتبعك ماكان غيرك قادنا فيها واقحم واشترك هذي مؤامرة الضعيف يحوكها وبلا شبك سل من تشاء ولاتسل من لا يليق بمقعدك سترى الحقيقة حينما تجد الأمان بمكتبك لا تستمع للمغرضين فكلامهم وهم و...

وحده الغضب مو كافي

الجمعة 1 , 01, 2010
كلشي انتهى وكلشي راح من يوم اكلنه التفاح اسواقنا انترست فرح وقلوبنا انترست هم والظلم اصبح ايه ويوميه ننزل بايه وكل ليله عدنه قرايه نجتمع بيها ونلتم هيه سنه مو اكثر كلحنه بيها اتقشمر واللي فلت منها وراح مااظن عليها اتندم وحده الغضب مو كافي حتى الامل يتحقق والشمس تطلع كل يوم نايم تشوفك مرتاح تحلم وبالك صافي بفراش ناعم دافي تحلم تقود الثوره وبس انته تضرب طلقات تضرب ومحد ميموت وبالحلم ماتشوف الدم وكلمن كتلته بالحلم يكعد ابابك ينتظر تكعد يكلك هيهات هيهات تنجح ثوره مادام ماعدكم عزم والامه كلها مطشره ملتهيه بالقيل وقال وتتراهن وتلعب بات ياهو اليسوي الثورات وحده الغضب موكافي ويصير للثوره سبب الجرح عفن والتهب واليوم يومك ياشعب ساكت وصابر ع التعب وادريك ماترضه بظلم وادريك عندك طلعات كافي لطم ع الحسين كلما يضيعولك حق وكلما يضيعولك زين تقوم القيامه بكربلا وتكوم تضرب قامات ا...

واتهددني

الجمعة 1 , 01, 2010
واتهددني ؟ مااتعاون ويه امريكا ولاعلي وياها البنيان لاابني وياهم مشروع ولاشوف وياهم عمران متخليني احجي وياهم ولاتخليني امشي وياهم تتحداني وتتحداهم وتكلي وياهم من تمشي اضرب راسك بالحيطان واخطف ابنك واتحداك وتبقه ابيتك بس نسوان داعيكم هتلي وعراك وتاليها ياابن الفسكان ذوله الجانوا يتحدوك وتتحداهم فاتوا بينه وفاتوا بيك وطيحوا حظك الامريكان عاطل كل وكتي وجوعان تتونس من افتح جنبر واتمر من يمي وتتقنعر تستنكف تسالني شلونك وحقدك باين بين عيونك ثلث تالاف الراتب جان عشت بظلك بالحرمان شفت الجوع وشفت الذلة غير الهم اشكال الوان تضحك لو كتلك جوعان وتضحك لو كتلك تعبان وتضحك لوكتلك احلامي ضاعت كلها وصارت باحضان النسيان ظلمك ماسواه انسان لاهتلر كبلك سواها ولا هولاكو ولا نيرون جنت تشوف الناس ازغار وانته جبير وغيرك وحدك ميعرفون تستحيف من نسجد لله ونذكر فرضه تتمنه الوادم...

نجم

الجمعة 1 , 01, 2010
بمناسبــــــــة استشهاد نجـــم شقيق الاخ فاروق عبدالله بتاريخ12/2/2006 لك يانجم لاتنزل بالسما معلك ابقه الارض صارت منزل بس للحقد والفرقه بين الخلك اسمك صار يعني العطف والرقه الاحسان عندك موهبه والخلق اصفه وارقه عرفنه الرعد من صوته والمطر ينطق برقه ماشفتك اني من سنين لكني مثلك اشقه بهذا الزمن الاغبر ليش واحدنه مثل السقه شايل على ظهره الماي والزمن ماكل حقه الدنيه بعدك متفيد ماتسوه بعدك علقه والناس بعدك يازين صاروا عبيد الورقه بعده محرم ماخلص والطبك بعده بشهقه بالحزن مشغوله الناس مابين غربه وشرقه داروا عليك الاوباش يستهدفون الفرقه كتلوك لكن مادروا انته الصرعت الطلقه والطلقه هيه التختار وانته اخترت ان تبقه وبموتك انته يانجم العدل اثبت صدقه انته اثبتت للارهاب اصل الوفاق وعمقه الارهاب قبلك ما عرف غير القتل والسرقه اعمى وهويته مزوره واهدافه كلها بورقه وانته الفزت بالجنه ولاعلى الرتب تترقه وحقك اخذته وغيرك بالغدر ضيع حقه ...

موت وشوف

الجمعة 1 , 01, 2010
موت وشوف دنيه جديدة وعمر جديد وعالم ثاني ما معروف ومحد شافه لكن مذكور وموصوف لابيه رجفه ولابيه خوف وانته معلك بين الجنه وبين النار قرر هسه ولا تحتار عوف الدنيه وكل ما بيها كافي اتظل معرت بيها وميت ع الدنيه وملهوف طب الجنه وشوف شبيها ربك كلشي مهيء بيها من اتجوع اتشوف اثمار ومن تعطش عندك انهار تفاح وتوت ورمان وتين ومنكه وموز ولوز اشجارالسدرة تغطيها وانهار الخمره تغذيها وراسك دوم مغطس بيها لا بوي يكلك خلصنه ولا مزتك تخلص وتعوز مطنش وحدك بالبستان ولا مرتك توكف يوميه كافي تكلك ييزي وجوز وتسكر لكن مو سكران ولا عيب تشوف ولا عار وصبيان يخدمون ازغار جنهم كيمر لو جمار هذا يصب الماي بأيده وهذا يقدم خمره جديده وكلشي تريده يصب بانهار وحوريه بصفك تتمدد وانته بصفها تحمه وتبرد شغلتها تحب وتتودد ولا تخجل منك وتغار وانته وياها ليل نهار تتمشه وياها وتتمنه ما تفنه ايامك بالجنه ...

نبعه

الجمعة 1 , 01, 2010
عيدين الك مو عيـد يالخذت نبعـه كلي الكطتها شلون واخوتـها سبعه هيه اخر العنكـود ويا محله زرعـه ذوق وادب واخلاق والاصل سمعه للأبو تجيـب الجاي وهـي التصنعه علمتها أمها فنـون وفن أمـها روعه تدري بحلمهـا جبير ولازم تتبعـه نشمي التريده وزين وعيونه وسعـه ميهمها خشمه جبير وبراسـه صلعه بس المهـم رجـال وبأيـده صنعـه حطها بوسط عيناك وبالكلب شمعـه هـي التنور البيت وامرك تسمعـه طيب كلبـها وصار بـالأمل يرعـه بالك تغثـه اليوم وبالك تلوعــه تحرمك تره من النوم تحرمك الطلعه وتحلف تره تعشيك محروك اصبعه لو نفر كلب اهواك انته التطوعه ع الطبع تمشي الناس وكلمن وطبعه احنه الأصل ويحن للأصل فرعه سلمتك انه الماز وبالك تضيعه علاء العبادي...

لك ياوطن تالي وياك

الجمعة 1 , 01, 2010
لك ياوطن تالي وياك صدكني كلنه اكرهناك من بعد ماعمرناك ومن بعد ماعليناك احنه بادينه احركناك جم مرة ردنه نعوفك وبالحلم ردنه انشوفك وقررنه تالي وعفناك وقررنه نطلع كلنه زلمتنه وازغيرنه اليفتهم والجاهل والادمي والسافل واطلعنه كلنا ولكن بالغربه عشنه بمحنه اطلعنه كلنه وصرنه بكل دوله واتشتتنه والغربه جانت بالوطن وانته سبب غربتنه باسم العلم تذبحنه وباسم الامن تسجنه ماتقبل انضوك الفرح حتى الفرح مل منه وملينه منك ياوطن ياظالم وكلك محن لك ياوطن تالي وياك وانته سبب كل شده واللي يريدك ياوطن تغضب عليه وترده جم واحد لاجلك مات وجم وحده لزمت عده جم طفل لاجلك عانه ومستقبله مامعروف كاضيها بالذل والخوف يكبر وانته تعرفه تاليها بس ذل يشوف وصار العراقي مهجول لاقيم عنده ولادين وكل عمره عايش وحده وظروفه صارت صعبه وظروفه صارت ضده الهمج صاروا حكام والوكت صار وياهم ولاجلك انت...

عد الى بغداد

الجمعة 1 , 01, 2010
ليس غير الله يحمد وعباد الله تشهد اننا اليوم بخير وغدا لابد اسعد بعدما ظلم تلاشى وظلام قد تبدد ذهب الطاغي يزيد بعدما صال وعربد حكمه القاسي تلاشى ومضى من دون عود خدع الناس بفكر فاسد النية اسود كاد فينا أن يكون كاله صار يعبد عاش دهرا في نعيم من جنان الخلد ارغد في قصور فارهات بين صرح وممرد عرش بلقيس إعتلاه ظن بالعرش يؤيد ظن أن القصر يحمي إن بنى القصر وشيد اصله أصل حقير لا يبالي أين يصعد جاهل في كل شيء فاسد الرأي مقلد مارس الطغيان حتى لم يعد للطاغي ند يدعي العدل ولكن كم علا العدل مهند يدعي التجديد لكن حسبه الارهاب جدد لم يشأ قط امتحانا في سبيل العلم يحصد ينتقي كل ضعيف تافه الرأي معقد بائع الثلج اصطفاه وله الضيعات افرد وزمام الحرب امسى لعريف صار يعهد وابن عم قد رعاه وهو غر بعد امرد هل رأى فيه انتقاما لشباب كاد ينفد خانه الجيش وكانت صفحة الجيش تسود في حروب خائبات ونزاع متعمد بالملايين اجتباه او نياشين تقلد بانتصار قد جناه لم يكن قط مؤكد كم رعى الحرب زمانا هل سوى الحرب تقصد عقدة النقص ...

ياريت لو عندي فلوس

الجمعة 1 , 01, 2010
يا ريت لو عندي فلوس اكعد ابد ما اعمل ولا افكر أ بيت ومره ولا افكر بمستقبل وميهمني باجر شيصير لو جان باجر افضل الدنيه عندي بقندره وما أشتريها بصندل عندي حديقة وبالبيت من الورد عندي مشتل والمكتبة عندي تصير بيها حياتي اجمل موسيقى اسمع وأشعار اكتب وشعري مأصل ولا أريد سياره تصير بنص الدرب تتعطل ولا أريد بيت زغيرون ولا قصر دوم معدل ولا أريد زوجه بكل يوم تتعيقل وتتزعل ع المودة تلبس وتريد كل وكت هي الأجمل يوميه فستان جديد وتريده دوم مفصل والكعب عالي ومقصود شبرين لازم تطول والريحه لازم شانيل وجوه الأبط يستعمل وماأريد جوكة أزعاطيط ولاركبه بيهم تطول لا هذا يطلعلي أكمال ولا هذا يطلع أول للمدرسة يروح ويرد وتاليها يطلع اثول ولا أريده يطلع دكتور ولا أريده يطلع اعزل وحدي أريد أبقه وأبد لا أشتكي ولا أزعل ...

بحمد الله افتتح الدعاءا

الجمعة 1 , 01, 2010
بحمد الله افتتح الدعاءا وعلى الرسول مصليا ومسلما وعلى الائمة من بنيه مجددا من مهجتى صافي المحبة والرضا أم التقاة الطيبين بخلقهم صلى الاله عليهم مذ اصبحوا سفن النجاة اذا السفين تعطلت هم للمحب اذا استجار شفاعة وهم النجوم الزاهرات تناثرت وهم البدور اذا البدور تضاءلت وهم الهداة الى الصراط وانما ومضى الزمان بنورهم مستبشرا وتنافست همم الرجال لعلها بهم الولاية تستقيم وطالما عبد الرحيم لقد ملئت فضائلاً تهفو النفوس الى رؤاك توددا يسعى اليك المكرمون لعلهم يا ابن الكرام الصابرين مهابة زانتك في سفر الكرام ارومة ياوراث الادب الرفيع وحافظا مغزولة بالطيبات ثيابهم تبقى الارومة تستثير رجالها انت ابن شيخ القانتين بعلمه ابكى بمجلسه الرجال ولم تزل خدم الحسين بروحه ولسانه هو والحسين ترافقا في مركب مضت الخلائق كلها في موكب تسعى الحجيج لارض مكةترتجي والشيخ يعلم ان مكة قبلة هذا ابوك وما ابوك بغائب ماكان شيخا في عبادة انما تبقى عبادة تستزيد بفضله ياصاحب الرأي الجميل تركتني انا مذ درجت على يديك كأنني انى التفت فليس مثلك طاعم ولو انني قد قلت فيك مقالة انا عالم اني ب...

في سبيل العلم

الجمعة 1 , 01, 2010
أمة العرب اسمعي صرخة الحق وعي هاتف العلم دعا فاجيبي واسمعي ثورة العلم استباحت كل باب مشرع سوف يبقى العلم حلم المستنير المبدع مستثيرا كل جهد كل فكر ألمعي في جهاد مستمر ونضال اروع ان في العلم لنوراً ليت ذا النور معي ليت هذا العلم يبقى خاتما في اصبعي ***** امة كم راودتها امم لم تخدع امة كانت شعاعا وسراجا للوعي ظلموها حين قالوا امة تهوى الرعي امة من الف عام صوتها لم يسمع امة حين استفاقت ايست من شفع وشفيع الناس دوما فكرة في موضع وانطلاق يتحدى كهدير المدفع امة لولا مناها في غد لم تجزع امة كانت وتبقى للخنا لم تركع خيرها خير  عميم ولذا لم تطمع مااستجارت بسواها او سعت للتبع رضع الذل سواها وهي لما ترضع وسواها قد اجاروا ظلم من لم يردع واستحلوا كل شبر في ثراها المترع واحلوا كل شرع دون رأي المرجع جعلوا الطاغي اماما كيف ينجو المدعي لغة الغاصب امضى من جراح المبضع هذه الامة لولا حفنة لم تخضع لنظام دولي او قرار مجمعي لحصار قارعته بالقنا والاذرع وافاقت من لظاه في نهوض رائع كم مضت فيها اصول وانتهت بالافرع مذ سعى الخوف اليه...

صباح الخير ياعمودي الفقري

الجمعة 1 , 01, 2010
صباح الخير يا عمودي الفقري كيف حال الفقرات هل سعى العمر اليها ام تراها في سبات زوجتي تسأل عنها رغم انف العاشقات زوجتي كل صباح بسرور وانشراح : تسأل شلونه الظهر وادري من هذا السؤال لا هروب ولا مفر تسأل برقه ونعومه وتفتعل حالة حنان وادري صوجي علمتها واعدتها واملتها من زمان انطيني مهلة بس شهر اعبر وياج النهر واسهر وياج الليالي جني في ليلة قدر للصبح وياج ابقى اضحك وياج واغني وانسى وياج القهر انطيني مهلة بس شهر قوتي ترجع من جديد وظهري يرجع من حديد وانكضه بسرعة الشهر شرد اجاوب شرد اكول ظهري زين وحيلي بعده شلون اكلها اني بالحب طرزان اصعد النخله بدقيقة ومستعد اعبر نهر شلونه ظهرك يا حبيبي تكلي مرتي المقوي تريده هسه لو تشربه من تنام ارد اعلمك ع النظام وما اعودك ع السهر اليوم اريكك برتقال لو حليب ازمال اصلي ينفع وما بيه ضرر ارد اسويلك دجاجه لو ه...

شوكت تكعد يالعراقي

الجمعة 1 , 01, 2010
شوكت تكعد يالعراقي شوكت تصحه نومتك طالت والبلد عزت عليه الفرحه صار البلد للمزعطه كبروا وصاروا حيتان وكلما يكبرون الشعب يكبر وينزف جرحه وصار الوكت مثل الدرس صرنه بصعوبه نشرحه شوكت تكعد يالعراقي الناس وصلت للكمر وانته بمكانك باقي وتريد تكعد وتشوف صاير عظيم وراقي الناس كلها اتحضرت وتمدنت واطورت واتحسنت احوالها وكل بلد زرته اتعدلت كل شغله بيه وترتبت موبايل ودش وبدت تستخدم الحاسوب اطفالها وصارت عجب روبوت يتريك سوب يوميه شغله تخترع وتزيد بيها اموالها واحنه بعدنه نخترع لو شفنه الهلال الصبح ولو صمنه شوال ورجب شوكت تكعد يالعراقي النومه طالت والوكت مووكت نوم وراحه صار الوكت وكت العلم واللي تسلح بالعلم مااظن يخيب سلاحه بس انته اكعد والتفت التكنولوجيا اطورت وصارت تجول بكل بيت والدول كلها قررت تستخدم الانترنيت وتتبادل المعلومات وجانت عجيبة لوشفت سيارة تدخل للتبت واليوم صاروا كل سبت ...

زهراء

الجمعة 1 , 01, 2010
إلى الأستاذ الدكتور رافد أمير الصفار أبا أمير سيدي رفقا بها خفف الآلام عنها والعناء إن زهراء غدت آمالها بين ايديك فرفقا بالنساء القوارير التي أوصى بها سيد الخلق وخير الأنبياء كيف صارت هكذا في غفلة يعتريها بدل الضحك البكاء قدر الله عليها أن ترى بعض هذا العمر جرحا أو دماء طفلة لما تزل أنظارها في خشوع الطفل ترنو للسماء أودع الرحمن فيها سره ورعاها باهتمام واعتناء قطعة اللحم ستبقى حية بين بذل سوف تحيى او عطاء ستراها حين تغدو غضة كيف تمشي فوق هام الأقوياء يا الهي كلما ضاقت بنا هذه الأرض ركضنا للسماء كيف ننجو والرزايا حولنا تحتوينا كل صبح ومساء يا أمير الطب مهلا إننا قد شهدنا لك دوما بالذكاء وذكاء المرء يبقى ميزة ومزايا الروح أحلى لو يشاء قد دعونا الله حتى خلتنا في ركوع وسجود ودعاء تارة ندعو لها تارة ندعو له وانتهينا بين خوف ورجاء ضعفاء كلما حلت بنا نائبات الدهر عدنا ضعفاء كل هذا الضعف يسري بيننا وترانا دون وعي أقوياء انه الإيمان يغري بالفتى ليس يغري غير هذا الأتقياء رافد الخير وفي الخير نما في أصول قد رعتها النجباء أنت في العلم إمام إنما  لك في الخلق مقام...

حب بعد الخمسين

الجمعة 1 , 01, 2010
كان حلما في حياتي طالما القلب وعاه كجنون ادعيه هز قلبي واحتواه وغرام لست ادري كيف احيى في لظاه ملك الشوق فؤادي واعتراني واعتراه بعد خمسين وقلبي لم يزل يصرخ اه آه من هذا الغرام لم تزل بعد رؤاه في فؤادي يتلظي وفؤادي ملتقاه يتردى في جحيم يتهاوى في علاه ياحبيبا لايبالي غير قلبي من سباه ركض الناس اليه واستقروا في قراه واستحلوا مقلتيه كيف تنجو مقلتاه واستباحوه وصاروا في سباق لرضاه كلما ملت اليه غاب عني في مداه اشتهيه وهو يدري طالما القلب اشتهاه شفتاه فوق ثغري ويح ثغري من شفاه ليت من اهوى قريب وبعيد من سواه احمل الشوق اليه وهو لاه في سماه دون خلق الله قلبي ذلك الظبي  اصطفاه ليت ذا الظبي دعاني مثلما الشوق دعاه بعد خمسين فؤادي صار عبدا لرؤاه بعدما العمر رماني في جحيم ورماه صعد الحزن لرأسي وغزا الشيب رباه وانحنى ظهري سريعا لست ادري من حناه كنت لا اقسو عليه حينما تقسو الحياه كيف كان الظهر يوما مستعينا بقواه مستخفا بالليالي والليالي مبتغاه لا يبالي حين يرمي لا يبالي من شكاه يحفر الارض ويسقي اينما حل سقاه بمياه ليس يدري كيف حنت لمياه نحن بالحب امرنا والذي ...

السقوط

الجمعة 1 , 01, 2010
شبلعجل سقطت بغداد وين الحرس وين الجيش والحزب والبعثيه هيجي السياده انهارت شو جنها جانت نيه نيتنا جانت سوده نسلمها باقرب فرصه وميهمنا تصبح بغداد بالحلك شهكه وغصه مبروك الك من طبيت وشفت الزلم مخروشه والزلم جانوا ابطال جانوا ابد مو انذال ولاجان بيهم دجال كلهم شهامه وغيره بالوطن كلهم يحجون مو بالعراق يفكرون بالامه بس يهتفون يحجولي بالقوميه والوحده والحريه...

بام المعارك شاركت

الجمعة 1 , 01, 2010
بام المعارك شاركت وبالحرب ام الجوله مشكلتي صارت وابتدت بالقادسيه الاوله من سومر وبابل جنت تضحك عليه نغوله وظليت من ذاك الوكت اترس وابدي سطوله الفين مرن وانكضن والعمر صار اشطوله بالوطن صارت غربتي والوطن مابيه لوله يحكمني مرة الاجنبي وجنسيته مجهوله لو مره يحكمني الغبي ولامره شفت اشكوله للحرب ياخذني غصب وبحجة مامعقوله الالاف منا استشهدت واطشرت بالجوله يوميه ازمه يسوون مثل اليلف ابروله بكل ازمة نمشي للحرب ودرب الحروب اشطوله ومليون مرة استشهدت والازمة مامحلوله وصاحبنه كاعد منتجي كلما حجه يصفكوله يوميه ماخذنه الحرب والحرب صارت سوله حربين طبينه وابد ماركد ابن الثوله عشمنه ناكل نستله وصفينه ع الكبسوله قشمرنه كلنه بضحكته وحجايته المعسوله وفلوس ذبينه اشكثر ع الخرط والماصوله تصنيع عدنه العسكري وكلهم جذب يحجوله دبابه نصنع بالجذب ومدفع نصنعه اشطوله ساعه نوجهه للعجم وارض العجم موجوله وصاروخ يعبر والعدو يستقبله بهلهوله اسرائيل صارت والعرب بالحب صفت مشغوله وحدتنه صارت بس حجي وكلها الدول مسؤوله بصاروخ يضربنه العدو وسلاح عدنه نعوله ويهددوه ويهدد ولو هدد يعفطوله صارت القلة مسيط...

بالحلم شفت امريكا

الجمعة 1 , 01, 2010
بالحلم شفت أمريكا تحكمنه بالانترنيت تحكمنه صارت بالعلم وبالعلم خشت للبيت الحرب صارت بالدكم ماكو بعد ديناميت ماكو بعد مدفع قوي وطياره تعمل بالجيت ودبابه كلها مصفحه يمشيها بنزين وزيت بصاروخ يحجي ويه الكمر ويكله كافي اندليت امريكا كدرت ع الامم وعندك خبر بالسوفييت كدرت على كلمن قوي واتكلك اني تماديت دولتنه صارت اثلاث كل ثلث راكب وانيت الاكراد نص اتحرروا مثل اليمص بجكليت والسنه عدهم نص امل باقين لو انته بقيت والشيعه رغم اللي جرى متمسكه بال البيت من فتت كلي اشحصلت واشحققت من طبيت غير العداوه والحقد كلي شعفت واشخليت مالوم انا كلمن وكف ضدك وساند الكويت حتى الوكف وياك اظن بفلوس اظن ذمته اشريت كالوا عليك اتقشمرت وكالوا عليك انجنيت مااصدك انته تقشمرت شو ماعصبت وانجنيت ولاكلت هذي غلطتي اتحمل اني السويت ناصر تعرفه ماغلط والشعبه كلهم غلطيت ومن الحكم نكسون طلع من فضحته ووتركيت ولاتعلمت من نيكسون ولامن جمال تعلميت مريت جنك اعصار وريتك ابد مامريت للفرع طبيت الصبح ونسيت روحك وغفيت وصار الفرع هو الاصل وتحكمنه صارت الكويت الكويت صارت بس الك ووكفت بيها وغنيت ذول...

اليميني

الجمعة 1 , 01, 2010
اليميني منطقي عاقل وما ينفعل واليميني واقعي العمل عنده الأهم والمهم عنده الفعل من يريد يقود ثوره ما يفكر بالبطولة المهم فكر عدل اليميني موجبان واليميني مو ضعيف اليميني موخيالي وحجيه واضح ينفهم اليميني مونذل من البدايه يكلك اني هذا مالي وهذا رايي واني ضامن ما أخذلك ولا أريدك تنخذل وفكر انته بالنتيجه تشتغل عندي بامان لو تفكر تستقل اليميني يحتفظ لك بالنجاح والامل عنده طريقه والخطأ ماينحمل يعترف لك بالحقيقه تعتقد عندك امان والنفط اكبر ضمان عشت عمرك تشتهي تعيش مره بالخليج قشمروكم بالنفط والشعارات السخيفة والحروب الضيعتكم والمقابر والقتل وتحلم اباكة فجل جنت كبلك هم يساري وجنت احجي بالقيم وما اكولن لا ابد جنت احلف بالنعم عشموني بحلم وردي وكمت اسرح بالغنم علموني مااناقش للحرب غصبن خذوني ورجعوني ملفلفيني بالعلم جنت اشوف الدنيه خضره وما افكر بالالم ...

نفطية دولتنا وشوف

الجمعة 1 , 01, 2010
نفطية دولتنا وشوف دولتنه نصها زباله صار النفط للصوبات والمنقله واللاله ثلاثين مرن والحزب والثوره صاروا عاله عاله على كل الشعب والشعب شوف شحاله عمال صاروا للحزب والسلطه تدري بحاله احلامه طارت بالهوا ويمكن يطير نعاله الحصة يوميه شكل ونص الطحين نخاله العقول كلها هاجرت والبقت كلها سحاله والزلم نصها استشهدت وتيتمت اطفاله حيتان صاروا والشعب كل الشعب بطاله صارت صناعتنه خرط والعلم عاف رجاله قائدنه يحجي بعنطزه وماتدري شنهو اباله يوميه صارت عادته يطير علينه افياله وخلانه كلنه نعتقد محد يصير ابداله قادر على كلشي وصفت الغاز كلها افعاله حربين طبينه وبعد بالحرب تحجي افعاله بصاروخ يضربنه العدو واحنه نصربه ابكاله وكل ازمه يخلقها العدو يشرب عليها ابطاله وبيها يدفعوه للحرب ويجددون اماله والسلم ميعجبه وصار اسم الحرب يحلاله لوبيده يفنيه للبلد ومحد يكله لا له اطلال سواه للبلد وكاعد على اطلاله ودولتنه صارت للامن والشرطه والنشاله كل شي انتهى بهذا الوطن لاتظن تشوف اهلاله باع النفط للاجنبي ويمكن يبيع اجياله 14/2/2000...

الى اليمين در

الجمعة 1 , 01, 2010
هذي القصيدة اكتبها وبالحبر بيدك خطها اكتبها لليفتهمون واقراها للمايقرون بالاحمر اكتب مرة وبالاخضر اكتب مره وبالازرك وبالجوزي ولونها بالفيروزي واهديها للاستعمار ولاتخترع من تقره هذه الحقيقة المره هذي الحقيقة افهمها ولا بالعجل تتهمها وانطيني مهلة اشرح لك هذا الوطن ميفيده الشعب يحكم بايده جربنه كل الانظمة وجربنه كل الحكام كل اليجينه يدعي بس هو يعمل للشعب والشعب عايش فرحان وميظل ابد بالحسره المسلم بهذا البلد مثل المسيحي بره بالجامع تشوفه الصبح وبالليل ونسه وسهره ماكول ابد شعليه خلي الشعب يتفتح واراء يسمع حره وخلي المثقف يكتب كافي غصب للفكره موكافي ظلينه سنين احلام عدنه وافكار محبوسه كلها بحفره هذا الشعب ضاك المر وكل عمره عاشه بحسره وضاك القهر والذله شاف السجن والتعذيب بين النجف والحله الكرد شبعوا تهجير والشيعه شبعوا ذله مااريد حاكم شيعي ولااريد حاكم س...

الوضع صاير ارهاب

الجمعة 1 , 01, 2010
الوضع صاير ارهاب والوضع صاير هيته واللي يقودك جذاب رغم الخطر والتحذير كلشي يقيسه بفيته ويحسب اله الف حساب ومأجل الله مصرعه وماعنده غيرة التردعه يوميه يفتر ع الناس وجيوش عنده وحراس دليميه يطبخ بأيده والطبخ مو تسليته يدري الشعب كله ازواج ويعرف بطبعه ونيته مشوا علينه القايش من مات محمد عايش كالوها باعلى الاصوات كلمن يظل ابيته وخلي الحزب والثوره يمشيها ارعن جذاب كلمن يريد التغيير يتمنه صاحبنا يطير والمشكله شلون يطير يتمنه يكعد ويشوف الصوره غير الصوره وحروفها غير حروف يكعد يشوف الوادم تتباشر وجنها بعيد لو تحلم بفجر جديد المشكله موهسه المشكله من زمان من يوم قشمرنا وقال ماخلي بيكم جوعان وماخلي بيكم عريان والحافي يلبس قيطان وماخلي بيكم انسان وكت العشه يتنسه وتاليها خلانه وفات ضرط علينه وفسه دنيتنه مامأمونه خلانه ياخوي الوكت كلمن يحد سنونه حتى الاخو من يغدر يغدر باخوه ويخونه دني...

الام نجاة

الجمعة 1 , 01, 2010
مهداة إلى والدتي الحاجة أم علاء كفى بالقلب بعد اليوم آهات وحسب القلب عبرات وأنات وحسب القلب ما يبدي وما يخفي وكم في القلب أسرار عصيات وكم فيه لمعشوق فضاءات وكم فيه لمن يهوى مساحات فما بال الذي في الصدر لا يصبو ولا بانت له قط انفعالات ألا يغريه ما يلقى بمرماه وفي مرماه لم تنفع دفاعات إذا ما الحب لم يشرق به يوما ولا مرت به يوما عذابات فما جدواه في صدري إذا أمسى غدا كالصخر لا تحييه خفقات وما جدواه إن نادى غدا صب أو ارتجت على بعد صبابات فهل يبقى على خوف يناجيها وهل تكفي إذا اشتدت مناجاة وهل يكفي إذا شبت به نار ايطفيها إذا ضاقت فضاءات فلولا الحب لم يجنح بنا قلب ولم تشرق لنا في الليل ومضات ولم تهنأ بصافي الود حسناء ولا طارت بها يوما شعاعات ولا ضجت بنشوان إذا عادت على كره له في الليل طاقات ولولا الحب ما كانت لنا ارض بها نسعى ولا كانت لنا ذات ومثل ألام لن تلقى لها ندا ولن تلقى كمثل ألام نيات ولا حبا كحب ألام إذ تهوى فحب ألام في الدنيا عبادات سقت بالحب رغم الجوع أجيالا فهل يكفيك من بالحب تقتات جنان الخلد قد صارت لها أرضا وفي القران أحكام وآيات إلى ال...

اخر اخبار الحصة

الجمعة 1 , 01, 2010
اخر اخبار الحصة واخر اخبار الحصار نقراها الكم هاليوم بالموجز وبالتفصيل يمكن الحصة تغيرت ويمكن شملها التعديل واقرالكم اول خبر هالشهر ينطوكم جبن والجبن يمكن مصري وتفضله ازغار كبار وشهر الليجي لاتحتار ولاتكول حصتكم خرط لاتنفع ولاتسمن الحصة محسوبه عدل محسوبه تكفيكم شهر بس لا يجيكم خطار محسوبه حصتكم زين بيها دهن وبروتين ولاتكول مابيها لحم المهم تنتج سعرات والمهم تملي المعدة ومتبات ليلك جوعان لاتكول حصتكم خرط تنفخ وتصنع غازات محسوبه حصتكم عدل متشوف محد مامات وثاني خبر بالنشرة الشعب كله مكيف والشعب كله فرحان ومابيهم واحد بطران ولابيهم اليتنكرز المهم محد ينتخم ومحد بعد يتبهرز ...

يالعرست هذا اليوم

الجمعة 1 , 01, 2010
يالعرست هذا اليوم صدك ابد ما تندم هيه عليك تعلمت وانته عليها معلم جانت اميرة مدللـه وبس بيها دومك تحلم هذا الحلم من أوله لغيرك ابد ما يرهم والحلم انته اتحققه وما اظن عليه تتندم يا نادية كبلج جنت جلمة غريبة بمعجم بالفندق انسى رويحتي لو انسى روحي بمطعم ريوك ما عندي الصبح واكضيها جاي وبقصم وجان العشه لو مخلمة لو بيض اكولن اسلم البوي اكله نص شوي يلعبني تالي بشلغم حتى الفلافل طنكرت صارت علي تتجقم كمت احلم بمركه ولحم وتمن اريده ملغم جنت احلم اباجة الصبح وبالسمج كمت اتحلم وشربت بيرة وبطلت ع الشرب خفت اتعلم وادري الشرب بيه لذات وذنوبه هم ما ترحم واتعلمت ع التدخين وما عفته رغم البلغم لازك بصدري وما خفت ينفجر صدري ويظلم ولا اتحارشت ببنيات ولا جنت بيهن مغرم ولا تواعدت بالسينما ولا عزمت وحدة بمطعم ولا بست وحده ولا كلت اني بجمالج مغرم بلبل اصير وي الزلم ويه البنات اتلعثم مخلوق الله مصممه للونسه هو مصمم الزلم تطلع للشغل واتكافح وتتحزم وهيه العليها امددة لو نفسه لو تتوحم المشمش تريده الشتا وبالصيف تطلب شلغم وان جانت ايدك موالك طيب ودوم مهندم مثل الدجاجة تصير الك وطول الوكت ت...

ياريت لو عندي فلوس

الجمعة 1 , 01, 2010
يا ريت لو عندي فلوس اكعد ابد ما اعمل ولا افكر أ بيت ومره ولا افكر بمستقبل وميهمني باجر شيصير لو جان باجر افضل الدنيه عندي بقندره وما أشتريها بصندل عندي حديقة وبالبيت من الورد عندي مشتل والمكتبة عندي تصير بيها حياتي اجمل موسيقى اسمع وأشعار اكتب وشعري مأصل ولا أريد سياره تصير بنص الدرب تتعطل ولا أريد بيت زغيرون ولا قصر دوم معدل ولا أريد زوجه بكل يوم تتعيقل وتتزعل ع المودة تلبس وتريد كل وكت هي الأجمل يوميه فستان جديد وتريده دوم مفصل والكعب عالي ومقصود شبرين لازم تطول والريحه لازم شانيل وجوه الأبط يستعمل وماأريد جوكة أزعاطيط ولاركبه بيهم تطول لا هذا يطلعلي أكمال ولا هذا يطلع أول للمدرسة يروح ويرد وتاليها يطلع اثول ولا أريده يطلع دكتور ولا أريده يطلع اعزل وحدي أريد أبقه وأبد لا أشتكي ولا أزعل ...

ارد احبك من جديد

الجمعة 1 , 01, 2010
ارد احبك من جديد وما احب غيرك بعد كبلك انه شكد هويت وماشفت مثلك ابد جنت احبك من زمان من جنت بعدك ولد تعترف لي بحبك انته وعندي منك مستند بيدك اكتبت الرسالة وبيدك اكتبت السند انته بالحب ورطتني وعلمتني الاضطهاد عشمتني بالسعاده وأملتني بالوداد قشمرتني وتدري كلبي بالعشك صاير هدد انته علمت الشفايف في غرامك تستفيق علمتهن ع الاثاره واشعلت بيهن حريق فجرت بيهن شجوني واشغلت فكري وظنوني خلصتني من شكوكي وخلصتها من العقد بوستك جنت اشتهيها بيها ذلي واشتريها ومن ابوس تكلي كافي وانتظر منك حبيبي بلكت تكلي عوافي انته حبي الاولي وادري كلبك موالي كلبك ادري من هويته ماهجرته ولانسيته وادري بالحب مقتلي شكد نذرت شكد دعيت شكد زرت شيخ ولي وانذرت لك جم طلي جازفت من كلت احبك وادري بعدك ابتلي جنت اريدك تلتفت لي ماردت منك نعم وماردت منك بلي ردت اعيش وياك مرة بحلم وردي وكلكلي بالشعرجنت انه اكتب وانته تكتب بالعيون استلم منك رسائل كلها اهات وجنون نستعيد الحجي كله والغزل والذكريات ...

موعود

الجمعة 1 , 01, 2010
موعود اني بالرزق والرزق بالبستوكه كالولي رزقك موجود وبابك ابد ما مسدود بس انته تعرف الحدود كلشي التريده تلاكيه وبوسه بعد هم فوكه موعود اني بالسمج والسمج يمته نضوكه بالحلم لو بالبوكه يمته نضوكك يا سمج كل مره للعلوه اجي فرحان احلم بالفرج الكه الهرج بالعلوه يلعب بالهمج ويصيح بيهم يا ناس السمج صاعد سوكه سوك السمج صاير دوم منشوفه بس ع الشاشة السمج اكل الباشه ميصير يضوكه المحروم وخلي الفقير المسكوم يتفنن باكل البيض بالشتا تفيد وبالكيض لو كلي لو مسلوكه للعلوه جينه مأملين نلكه السمج ومكيفين اليوم الغده مو بربين ومركة عدس جنها طين اليوم الغده بالكشمش وسمجه سمينه كلش وسماك فوكاها نرش والعشا يمكن مشوي للعلوه جينه نشوفك نلكاك نافخ ريشك ونكلبك ونعوفك ونضحك عليك ونمشي معقوله صرنه نحلم وبالسمج صرنه نهتم واحدنه مفلس معدم وحلوكنه كلها دم نحلم وتالي نندم ينكلب تال...

مليون اريد من الله

الجمعة 1 , 01, 2010
مليون اريد من الله وميكفي ادري المليون مااريد سياره شبح عكركه رايد صالون ومااريده ينطيني قصر ر ايدلي بيت ازغيرون وبيت الاريده مشتمل وابسطحه ولدي ينامون وبالسطح نبني غرفه لو قرروا يتزوجون وازغيره سياره انريد حتى الائمه يزورون وكلشي الاريده يسجله وميخالف اطلع مديون تعبني وكتي وماتعب والوكت صاير فرعون صرت انه امشي ويه المشى وكدامي كلهم يمشون راح العمر كله وبقى ناس برجعته يحلمون احلامهم صارت ثلج وكلما يذوب يجمدون واليحلم بهذا الوكت تاليها يطلع مديون شيفيد حلم اتجمده وغيرك بلاوي يظمون الشيب صار بمفرقي كبرني ادري الملعون مكرود مرتي اتحجبت واني بعدني ازغيرون لاريحه حطت لي ولا حفت ولا حطت لون ولاراديو سمعت ولا شافت ابد تلفزيون وصبغ الشعر ماجربته ولاجربت شكله شلون الموسى ابن جعفر تعتني واتكله تاليها شلون ويعجبها تسكن بالنجف وتشبع دهين وساهون والولد كبروا بالعجل ويايه ك...

متعجب

الجمعة 1 , 01, 2010
متعجب شلون الناس بهذا الوكت تبني بيوت وقصور تبني وفله وتترس حدايقها ورد وميهمها كيض ولا برد وتأثث بغير حساب وتخلي حارس بالباب وسايق تخلي وبواب بمسواكها يروح ويرد ويوصل الحبابه للمدرسه ومرات يوصل بابه والسائق أسمه مصطفى وعمدا يصيحوله عبد ورغم الحصار تسافر بعمان تكضي العطله وتكتل الحر بيروت ومتعجبه شلون تموت ميصير يموت الشاطر اليحجي بالدولارات يحجي بنعومه ورقه بفلوسه يعرف كادر يضحك على عزرائيل ويقشمره بكم ورقه ويتوسط الجبرائيل يكتبله كلمن زنكين للكبر لازم ميفوت متعجب شلون الناس بهذا الوكت تبني بيوت والبيت يطلع فله واحسابه فوك الميه وبالسطح عدهم كتكوت قطره متر وشويه ويسحب العالم كله كلش حلو ويبجي من أيوا لو من أل جي عالم جميل ومدهش والدنيه تصبح بالأيد ويقرب الجان بعيد وكل خبر طازج وجديد يخليك دوم أمفرفش العالم بليه دش مابيه طعم ومكرمش متعجب شلون الناس بهذا الوكت تبني ا...

لحك توب

الجمعة 1 , 01, 2010
لحك توب كافي تجمع بس ذنوب لحك توب ما تسوه الدنيه ومتفيد ما دامك تركض وتلوب لحك توب واذكر ربك بلكت يغفرلك هلمره وتطلع تطلب مو مطلوب لحك توب صلي وصوم وزكي وانطي ماتسوه الدنيه بلا دين وتدرى الدنيه كلها ذنوب لحك توب ماتسوه الدنيه تحابيها وتلعب بيها ومتغاوى بيها ومجلوب لحك توب عمرك موبيدك صدكني موبيدك تدخل للدنيه ولابيدك تطلع من عدها بامر الله الدنيه يمشيها وكلشي مقدر لو مكتوب لحك توب ولاتفكر باجر شيصير باجر من تحسب مشطوب لحك توب لحك بالفازوا بالجنه كبلك واجتازوا الدروب درب الهم ودرب العيشه ودرب المزه ودرب الشيشه ودرب المال الغير بيده حال الناس الضاكت طعمه ومسحوره لسه بورنيشه ودرب الزنكين المغرور وع العالم بس نافخ ريشه ودرب النسوان الخلتنه نفكر بيهن ليل نهار وبينه يلعبن سله وفيشه وهذا العمر تريد تعيشه بليه ذنوب لحك توب ...

عرك النسا

الجمعة 1 , 01, 2010
    صلي على اسم النبي واهل النبي واستغني بيهم وعنهم لاتمل لو ردت خيرا تجني   مليون اظن كلفني عرك النسا و ما فكني عرك النسا اسمك لو عرك النسا فهمني عرك النسا مدوخني كلما اطخه يطخني كلما اريده يرتخي بليه حبل يخنكني جني بحرب اني وياه كلما اعته يعتني حتى الطبيب الداواه يكلي الدوا يسكني ويكلي عندي بروفين ما خاب ابد بيه ظني وعندي ابر فولتارين ومضمدة اليضربني ابرة ويكلي بالابر كل ابرة منهن تغني وعندي علاج اليشفيك تركص عليه وتغني الزيت عندك خلصان كتله اذن زيتني ساعة يلوفه الزري و ساعة يدوس ابطني ولو ما الخجل جا كتله دكتور لا تدغدغني كلي ابد لا تنحني وكل ساعة يقره باذني يكلي الظهر لا تخليه مكسور دوم ومحني والاكل كله خضورات ولازم اخفف وزني كتله السحب كلش زين كلي الدجل مو فني كتله الدجل طيب ناس عنه بصراحه اسألني كلي البرد والنسوان ذني اليكتلن ذني بالشتا ادثر بالصوف وبلوز البس كطني وان جان الك رغبة تنام كل ليله اسمع مني بالشهر مرة لو ردت تصبح بطل صدكني كتله اشوفك دكتور شو جنك تقشمرني غير الاكل والنسوان شعندك بعد تنصحني كتله ...

صار الوكت للنسوان

الجمعة 1 , 01, 2010
صار الوكت للنسوان والزلم صاروا طليان كدامه تمشي وفرحان يمشي ويهز بليته صار الوكت للحلوات ما يطلعن الا محمرات ولازم يلبسن ستريج بالشتا يدفي وبالصيف متلبسه بس الأيجات والايجه تدري الضيك كلش حلو ويفيك وخليها يسمطها الحر وخلي تذوب الشحمات صار الوكت للحلوات يتمشن الوحدهن وميريدن الزعطوطه التجربه علمتهن وصار الثكل صنعتهن وبالشغله صارن افات وتعلمن وبسرعة الوكت مو للغبرات ومطلكه لو عانس المهم عدهن خبرات والخبرة فن واسلوب هي التخلي الرجال من يشتهيها يرافس والخبره مو حمره وثوب مو باللبس والزينه الخبره لازم تنطي وتخلي كلب الرجال كلما يكللها اشبعت يرجع يكللها انوب صارن لي كلهن قاده الزينه والكواده كلهن يريدن هالوكت هنه اليشربن بس حلو والزلم تشرب ساده شايف مره تقود الزلم أي والنعم هذي حقيقه مو فلم ولا هو كتاب قريته الحرمه صارت هالوكت هي التريد الرجال يصرف عليها وميغار وهي العليها تنتجي والراتب تسلته سلت وهي ...

شروط الغرام

الجمعة 1 , 01, 2010
وسائلة عن الحسن وفي العينين اغراء سؤال ليس يدركه سوى من شفه الداء وادري بالتي سألت لها في الحب اهواء كمن يسعى الى الماء ولكن دونه الماء مخادعة كما خدعت ابي من قبل حواء ابونا ادم انفتحت له في الخلد اجواء نضا من صدره ضلعا غدت كالضلع عوجاء علته وهي راغبة علاها وهي بغضاء تناديه فيسمعها واذ نادى فطرشاء فلم يشفع له اسم فهل تنفعه اسماء وكم احنى لها ظهرا وكم خانته حدباء وكان الطين جبلته  فصارت منه ابناء رجال عمروا الارض  واحيوها كما شاؤا وساحوا في مفاوزها  وراحوا مثلما جاؤا فلا خير جنت يدهم ولكن بئس ماساؤا وكنا قبل في ود ونحن اليوم اعداء وقامت بيننا حرب مدمرة وشعواء رعاع اعلنوا الحرب وقادوها كما شاءوا فهل تنفع سياستنا وفي الجيشين غوغاء ولولا هدنة عرضت وانصات واصغاء لكنا اليوم في ذل ويحكمنا الاذلاء وقالت هل ترى فرقا وهل للحسن اسماء وهل في الانس والجن شبيه مثل عذراء فقلنا مثلما قالت وبعض القول اغراء بان الحسن مرتبة لها في الخلق اصداء اذا حازته فاتنة رعته مثلما شاؤا ويبقى الحسن في الروح له وقع واصداء وطعم الحسن تدركه قلوب شفها الداء ستنسين الهوى يوما كما ...

دنيتنه صارت هوسه

الجمعة 1 , 01, 2010
دنيتنه صارت هوسه وكلمن يريد فلوسه تكثر ويكبر كل وكت نجمه وتزيد شموسه وكل مشكلة والها حل محلوله كلها ابوسه كعدة شرب وبنيات والعشا قوزي وسمجات وان جان الك رغبه اتبات وتشبع وناسه وسهرات وتصير زين وفله كلشي تره بفلوسه بس كون جيبك عامر كلشي التريده حاضر بس انته اشر وآمر سهله تصير الصعبات وكل صعبه تصبح سهله ما دام تحجي بالورق وما تعترف بالمطبوع كلهم يصيرولك خدم ودربك يترسونه شموع الاعمى يصبح مبصر والاخرس بنص لسان بالقدرة يحجي ويسمع وانته نظيف وتلمع وحجايتك مسموعة يوميه تلبس لي جديد وما شفت يوم اللوعة شهرين تكضي بلبنان واربعتشر بربوعه خلصان من حر الصيف وبحضنك الدلوعه تتمايل وتتدلع وانته بحضنها منتجي تطلب وانته التدفع وبسرعة عفنه الاخلاق عفناها احنه بسرعة وظلينه مثل المحتار بين الدخن والحنطة صار الوكت للجذاب والمرتشي والمزعطه واللي عمل بالمعروف وبعده ضميره صاحي ...

اراك اليوم في عهد جديد

الجمعة 1 , 01, 2010
أراك اليوم في عهد جديد وان أصبحت في القفص الحديد فأنت الآن في حلم جميل وأنت الآن في اليوم السعيد فلا تأسى على عمر مضى وامضي إلى ما شئت في ألأمر الفريد ففي حضن التي تهوى تجد دوما لهيب الشوق في برد الجليد إذا بالمال تأتيها لتغريها فقد تأتيك بالخبر السعيد ومنك المال لا منها وان جمعت لك الأموال بالعقل الرشيد ومنها الخير لولا الخير ما لعبت بنا حواء أو فازت بتهديد وفي الآفاق آمال مؤجلة وكل الخير في الرأي السديد تقر العين أكباد وأفئدة تثير الشوق في نبض الوريد سترعاها كما ترعاك صابرة كذاك البر من شيم الوليد وفي الأيام متسع إذا ما تسامى المرء عن طلب المزيد فذق ما شئت من عسل مصفى ودم بالحب في عيش رغيد ...

جنت احلم

الجمعة 1 , 01, 2010
عندي حلم ماينتهي وماريده ابد يتحقق كلما بقى يعاني القلب الحلم يطلع اصدق جنت احلم باخر حلم خايف عليه يتهدم لوضاع خايف ينتهي مثله العمر واتندم جنت احلم ابقه معاند وما انطي لزمه لأحد اللا كلتها وما دروا ع النعم خفت اتعود جنت احلم اطلع عالم بالفقه والبس جبه وعمامة بيضه براسي واخصمها كلها بخطبه جنت احلم اطلع قاضي وادرس شريعة وقانون واعرف حقيقة هالبشر منهو الوفي ومنهو يخون جنت احلم اطلع ثائر مثل البطل جيفاره غارات اسوي ع الفكر بلكت تفيد الغاره جنت احلم اطلع فلاح كاضيها احرث وافلح وفلوسي يوميه تزيد وكلما يزيدن افرح جنت احلم اطلع دكتور وللمرضه اكتب وصفه لليشتكي من الناسور واليشتكي من الرجفه جنت احلم اطلع شاعر بالنجف واطبع ديوان واكتب شعر ع الحسين شلون انتفض ع الطغيان جنت احلم اطبع ديوان لو شعر شعبي لو حر بالفصحه اكتب والشعر مره حلو ومره مر جنت احلم اطلع طيار ويوميه زاير دوله بكل عاصمه عندي وليد من سلمه لو من خوله جنت احلم...

هذا الشعر من تقراه

الجمعة 1 , 01, 2010
هذا الشعر من تقراه لتظن يدور شهره كلش سهل بالتعبير ويبقه القصد بالعبره نصه هزل نصه جد ومطعم بجم فكره وما ينتظر منك رد وهم أنته لا تنتظره ما يحتمل منك نقد مثل التنغزه بأبره وما أريدك تكلي خوش وما أريدك أنته تنكره هذا الشعر تجريبي وما بيه فلم للسهره ما كمل الخمس سنين وما أظن يكمل العشرة ما قلدت بيه عريان ولا خضت يوم بنهره أدري النهر مهما كان جاري البحر ينتظره وأدري البحر موجه صعب وأمواجه كلش خطره مو سهله من تسبح بيه ومو سهله من أتعبره فكره وأجتني والشعر يبقه أساسه الفكرة ويبقه أساسه الموهبة ومو بيدك أنته تغيره والشعر يبقى موقف وبالشعر تصنع ثوره بالفصحى جنت أكتب وأظن تعبني عجزه وصدره واكتبته حر ومنثور وجم مره عدته ومره وأطبعته ديوان جبير وبس اني وحدي الأقره مات القره شعري وبقى الاغبر أظن والغبره لو ردت أقره الواحد لازم اعزمه بسفره لو حفله اسويله وعشا وانتظره يخلص عذره والعشا قوزي محشى مشوي ودجاجه محمرة والسفره بيها خضيري وبيها لحوم وصبره وبقلاوة لازم أشتري وبالوته هم تنتظره ويعوفني تالي ويظل ينتظر فلم السهره بنص الفلم يغفه وزين لو غفه مرته تذكره بالفطر...

كل اشعاري هذي اهديها

الجمعة 1 , 01, 2010
كل اشعاري هذي اهديها لاجل احلامي الضاعت كلها وما اهديها لاي انسان شلون اهديها واني بطلها احلام وجانت اسرار ومحد غيري جان يحلها ضكت المر وياها وضكنه اني ويها ضكنه عسلها عشت وياها وعايش بيها عاشت لاجلي وعايش الها وجانت احلامي مونستني ولا اتعب منها ولا املها تحجي ويايه احلامي وجانت هي تكلي واني اكلها تكلي العيشة بلية احلام ما بيها بس همها وذلها وعمرك كله تعيشه بيوم ومتفيدك لحظة اطولها لحظة بأيدك تسوه سنين لحظة حب ليش تأجلها شتسوه الدنيه بغير الحب ومنهو اليجرعها ويحملها عمرك شارف ع الخمسين مأيس لو ناوي اتقللها صلعيتك صارت مكشوفة وشعرك الابيض ميجملها وشوفه الظهرك صاير محني وبالكوه القامة تعدلها وبطنك كدامك مترين شلون تحب وانته مدندلها هذا الحب صدك مو لعبة طوبة تريد انته تكولها حب وشوف الحب شلونه اتجرأ يا الله ولا اطولها ولا تقشمرني بحبة الزركة بتمر الزهدي صدك حلها جنه نحب بالنظرة وحبنا طاهر والشرع محللها وحب اليوم تشوفه كبالك وبالكوه تريدك تقبلها كدامك تمشي ومتعمدة تهز وترجف من اسفلها تتردد تسألها وغيرك يركض قبلك ويغازلها حب بارد ما بيه كل معنى حبها اليوم وباجر...

احلم وغيري يحلم

الجمعة 1 , 01, 2010
من يوم الضربنه بيه بوش احلامهم طلعت صدك واحلامي طلعت فاشوش احلامهم طلعت صدك وعيونهم صارت زرك وانفتكت وياهم فتك كبروا وصاروا حيتان وصاروا عبيد الدولار وصاروا عبيد النسوان القيم كلها تفلشت وكلها النفوس تغيرت ع الجذب كلها تعلمت حتى الفقير الما عرف غير الالم جاع وشبع ضيم وسقم وفوك الشرف رافع علم وكل وكت يحلف بالقيم تالي الوكت هم خلاه من كثر ما كلهم لاه سلم اموره وجاراه مثل الطلي وكلهم نعم والنعم صارت عادة غاصت بروحة وعشعشت والغنم صاروا ساده ومن بعد ما جان يقود هذا الفقير المكرود ذوله الغنم رد اردود ياكل ويرعى ويه الغنم وبس اني صامد باقي رغم الفقر والحرمان راضي بقسمتي وصابر صابر على الاغراءات وايماني صاير ساتر وباخلاقي كاعد ع القمم ...

احلم بنخلة وثمرات

الجمعة 1 , 01, 2010
احلم بنخله وثمرات اصعد واكطع تمرات اصعد ولكن ما نوش احلم بدنيه زغيره وكرصه خبز وجكيره بيها التتن ما مغشوش احلم اضل بفراشي اكل دبس بالراشي ولا غنم ضايك لاهوش احلم اشوف الواوي ويه الغنم متخاوي والكه الثعالب باسمه ويه الدجاجات تهوش احلم اشوف العالم تشتغل كلها بانصاف وكلمن على بزره يخاف ولو جان عنده بس ذهب ميهمه لو صار قروش احلم اشوف الحافي صاير غني ومتعافي والناس ماعدها كروش احلم انام واكعد اكعد وعمري عشرين صحه وشباب وزنكين بالعلم احجي وبالدين والبس عمامه وطربوش احلم بحب ما صاير صافي وحقيقي وطاهر وما اريده ارعن مشلوش ...

احلام عبد الزهرة

الجمعة 1 , 01, 2010
افلام الرصافة المتحدة         افلام الكرخ المتحدة تقدم                         تقدم الفلم العراقي الجديد احلام عبد الزهرة سيناريو واخراج علاء العبادي عبد الزهره باحلامه ما حقق بس اوهامه راضي باحلامه وقانع يدري العمر موضايع عاشق يتمنى الايام تتحقق بيها الاحلام واحلام العاشق تبقه مضروبة جنها بطلقه لو ضاعت ما ظنه يتوب لو حققها تصير ذنوب القصة حوار انتاج موسيقى تمثيل من التراث الشعبي البغدادي اهل الولاية ابطال الفلم مجموعة من الفرق الشعبية نخبة من اهالي بغداد عبد الزهرة سوزي مرزة جابر القاضي انيسة عديلة مامي مهيدي عبد السادة بطل الفلــم بطلة الفلــم صديق البطل رئيس العصابة ابو سـوزي ام سـوزي ام عبد الزهرة خدامة في بيت القاضي العمــــدة صديق رئيس العصابة شفت ا...

انته سني وانه شيعي

الجمعة 1 , 01, 2010
انته سني وانه شيعي عندك انته الامر عادي وعندي اني شي طبيعي عندك اختي وعندي اختك وبنتي يمكن لو ردتها بكل سهولة تصير جنتك انته جاري وانه جارك وابني يركض لو ضربته ينتخي بيك وعبالك هو واحد من جهالك...

احلام ام الفضل

الجمعة 1 , 01, 2010
انا ساكن طابق ارضي كبال الساحة وسعيد والحي بيه غاز ويزهي واسعاره هم دتزيد والشقة زينه وحلوة ناقصها بس تبريد واولادي خوش اولاد شوفتهم تسوه العيد صح ولدي كبروا لكن محلوله بالترشيد كبروا لكن مو باللحيه ولا بالطول وقوة ايد كبروا ع الهم الشافوه وجان الهم يكبر ويزيد زغار وكبروا بس ع الهم هم عتيك وهم جديد ناس تكبرها الاحزان ويوميه تراويها جديد وناس التسأل عن الهم شلون الوانه ? وشنهو اخباره ? صح يخبل ? ويخلي الشاطر تك ايد ويخلي العاقل ميجمع ساعة يظن نفسه دكتور مفتح جنبر وساعة يظن مرته كنتور من يعوز يكوم يبيعه ويعرف مرته ام حسين ويصيحوله ابو تغريد لا تسألني شلوني اليوم زين اليوم وباجر احسن بالتأكيد جي ماشي زين وي الناس واسال عنهم كلما اريد اسال عن كلمن يعجبني وامشي بكيفي واكل واشرب والبس واسمع واحلم واعشق نوبة سعاد ونوبة فيفي واحلم ساكن بيت الوحدي اقرا واسمع بس موسيقى بتهوفن مره وموزارت وخلي يسموها تعقيد شنهو الصار بهاي الدنيه وشنهو الغير هاي الوادم شنهو الخلاه...

شمس

الجمعة 1 , 01, 2010
1 شمس الشموس تبسمت فتبسم الجلنار وتضاحكت اطيافهـا فتضاحكت ازهار وتراقصت طربا بها من حولها الاقمـار هذي الجميلة ليتها تهيم بالاشعار لكتبت فيها قصة تضج بالأسرار ولقلت فيها انني في حسنها محتار قطر الندى اعجوبة وتاجها من غار عيونها مزروعة بالورد والازهار وثغرها انشودة وسحرها الاوتار المعجبون كلهم في الثلج او في النار كل النجوم تزفها لحبيبها المختار وحبيبها في روضة تفيض بالانوار من ياترى محبوبها ؟ لوتنطق الاقدار 2 شمس الشموس تبسمت وتناثرت الحانا وتوردت وجناتها وتللألأت الوانا ضحكاتها محبوبة لكنها احيانا لاتكتفي بدمعها بل تعلن العصيانا 3 شمس الشموس كأنها بين النساء غـزال حورية في لطفها بحسنها تختال حقوقها مكفولة وغيرها يحتال لاتستحي من حقهـا هل يستحي الاطفال؟ 4 عصفورة حطت على قلب الاب الملهوف تغفو على اضلاعه بجيدها الملفوف نظراتها سلاحهـا ودفاعها مكشوف والنستلات عشاؤهـا وغداؤها المسكوف 5 مكر النساء بعينها وبراءة الاطفال والضاحكات عيونها تفيض بالآمال وبياضها حكر لها والشعر كالشلال دمعاتها كاللؤلؤ المنثور فوق الخال من...

احلام العنكبوت

الجمعة 1 , 01, 2010
    مرحباً ايها العنكبوت اما مللت من صنع البيوت ومللت من صنع الشباك ماذا دهاك مالي اراك مقطباً والصمت ينطق في شفاك قل ما دهاك قل ما تريد اتعيش في حلم جديد افريسة اخرى تحقق فيها مبتغاك مالي اراك على غير انسجام اتغيرت عاداتك اليوم وصرت مثلي لا تنام اتتناول الوجبات مثلي بانتظام ايغريك الطعام ومتى تنام مثلي اذا حل المساء اتراك تحلم بالنساء ا رفيقة تبغي وتجهل كيف تفتعل اللقاء الذنب ذنبي ان سددت نوافذي حينما حل الشتاء قل ما تشاء ودع الحياء ا رفيقة تبغي وتخشى ان اراك ولم الخجل من ذا سيعبأ ان رآك فبغير حب لن تعيش وسيقتلك الملل وستعلم ان الارض لو لا الحب كانت فراغاً وعبث قل ما دهاك هل اعلنت ساعة الصفر وهل حان الاوان مضى عام مذ دخلت لغرفتي واخذت تبحث عن مكان اما سمعت عن الزمان اما علمت بأننا كنا وما زلنا عبيداً للزمان وأننا بعد حين دون شك سنموت ما زلت تصنع في كل يوم الف بيت وتعيش في اوهى البيوت ماذا دهاك الوقت يمضي بيننا...

احلام الشفاء

الجمعة 1 , 01, 2010
بأمر الله تأتمرُ السماءُ فان يقضي الاله عليك امراً ولن يجدي العلاج وان تسامت وفي نفس العليل اسىً وشكٌ بأن الله ذو فضلٍ عظيمٍ وهل يشفي العليل سوى حكيمٍ واعمارُ الرجال كما اراها فلا قلب سيخفق حين تدنو ولا الاعصاب تصمد او ستبقى رسول الطب انك خير عون يقول الناس انك كنت تشفي وما استعصت عليك الجراح يوماً وقد كنت الطبيب الذي اريد لقد جربت قبلك كل علمٍ وقبلك كنت اخشى المشعوذين وفي نفسي من العلم احتراز وينصحني الاطبة بالتروي فلا نوم يفيد وقد شكى لي كذاك الارضُ تفعل اذ يشاءُ فلن يغني الطبيب ولا الدواء عقول الناس واشتد الذكاءُ وما يغري العليلَ سوى الرجاء اذا ما شاء يفعلُ ما يشاءُ عظيم الشأن ديدنه العطاء على مر الزمان لها انتهاء رياحُ الموت ان حل القضاء مبرمجة وفيها كهرباء اذا ما الناس اعجزها الشفاء جراح الناس والجرحى سواء ولا استعصى عليك داء وارجو ان يزول به العناء وطينا قد شربت وفيه ماء من كل صنف وما فيهم عزاء وفي قلبي من الطب استياء واسمعهم وفي نفسي اباء فراش قد تململ او غطاء يحاورني الطب...

احلام الاميرات

الجمعة 1 , 01, 2010
1999 فدوه رحت للحلوين وفدوه رحت للحلوات الروضة الاميرات الصبح يمشن وهنه مكيفات جنهن كتاكيت اليوم وباجر يصيرن بطات كل وحده منهن ماجدة وباجر يصيرن آفات وبالجامعة بيته الحلو ويوصلنه حبيبات للمدرسة يروح ويرد ويتمنه بالروضة يبات باجر يكبرون الولد وبالكلفه عدهم وكفات هذا اليحط بجنطته بدال الدفاتر لفات وهذي التريد الستريج وهذي التلف ظفيرات وبالجنطة موز ونستله ويرمرم بتفاحات شاطر يصير ويمتحن ينجح وياخذ عشرات والولد طيار يصير ويسافر بطيارات لو ضابط يصير الولد وع الجتف تلمع نجمات وبالمعركة يصبح بطل وبالنصر يضرب طلقات البنيه تكبر والولد يكبر وتكبر الآهات ميكانو، عدنه شكد حلو واصباغ حلوه ولعبات ختيله نلعب لو حبل لو توكي نلعب لو بات ما نتعب احنه من الركض هيهات نتعب هيهات اتمنى لو ارجع طفل وميخالف اشبع كفخات وتبوسني لو ست ندى لو ست اميره البذات وتجيبني حسبه الصبح وبالليل ارد بحسبات كل همي العب بالدرب دعبل وتوكي وطوبات واتشاقه واضحك وانطلق اركض واكمز كمزات ...

احلام الفداء

الجمعة 1 , 01, 2010
الاسلام بيك توازن واصبح عدل ميزانة من سال دمك ع الرمل ريت بمكانك انه وريت الفرات من القهر والهم تجف شطانه وريت الشجر ما بيه ثمر ولا قدحت اغصانه وبالنخل لو يطلع تمر يبقى التمر بمجانه وريت اللئيم الما وكف تايه يظل باوطانه جابوك للكوفة غصب وللسلطة كالوا جانه والسلطة تدري مو الك صارت لابن مرجانه والسلطة تدري مو حكم بيه الخلك فرحانة السلطة عندك ميزان ويبقى العدل عنوانه بيك انعدل دين النبي وبيك انتصر قرآنه...

الشاعر

الجمعة 1 , 01, 2010
اليكتب شعر ما مرتاح دومه يضل بالعوزه حصره عليه النستلة وحصره عليه الموزه اليكتب شعر بس بالدين يكضي حياته ومطلوب التتن صاير مذهبه وربه يصير المشروب اليكتب شعر ما يهمه جوعان يبقى وحافي بالملهى نايم تلكاه وبالكهوه تلكاه لافي اليكتب شعر دومه يحب ويتزوج الميحبها واللي يحبها معرسه وما تدري منهو يحبها بس اني خلاني الشعر اكتب ومحد يسمع الناس وصلت للكمر واني اروح وارجع جربت الشعر مرتين بالفصحى كتبت مره وبالجلفي اكتبت والهم ما بيه كتبه لو طره واكتبت الشعر وانه محد معترف بيه لا كاظم يغنيلي ولا تلتفت لي بنيه الشاعر بليه حظ بس خردة تلكه بجيبه لو عفته بالموصل يوم للبصرة فكره يجيبه وتحطه بالاردن ملك وتلبسه تاج وصولجان تلكاه رجع لاهله يريد يدور بنات ونسوان الشاعر تريده يعيش انطيه جكارة وعوفه ولا تزوجه وتنطيه بيت يكلب تره ويعوفه ولا تورطه بجوكة اطفال وزوجه تشلع كلبه حبلى وتكله لو صفن الزبل يمته اذبه يوميه حبلى وما تحط حمره واجها ساده وثوب العليها تبدله …… الشاعر تريده يعيش لا تعينه ولا توظفه وكل شهر تنطيه راتب بيوم اليقبضه يصرفه...

بالحلم كلشي تشوفه

الجمعة 1 , 01, 2010
بالحلم كلشي تشوفه مو بالضرورة تشوفه الحلم عالم ثاني متحضر وانساني صح بيه خيال وبيه صور لكن ابد مو فاني الحلم عالم آخر ما تكدر انته تعوفه هذي معاناتك ابد ما الها أي حل ثاني الا بحلم يتحقق مو وردي مو رماني انته خلقت هذا الحلم وانته العليك تحققه من اجله تحفر بالصخر واتصارع وياه البشر حتى القــدر لو وكف ضدك أصمد ولا تخاف منه وتشرد ومن تنكسر لا تأيس ولا تكول ابد شعليه شعليه متحقق حلم الحلم يصنع معجزة باصرارك انته واني...

امراة الاب

الجمعة 1 , 01, 2010
قدريه رجعت والقهر راجع قبل قدريه مكتوبه يحرمنه القدر الراحة والحرية خلتنه قدريه نصوم ونفطر على جريه وريوكنه دوم الصبح لو عيطه لو سخريه واصياح يوميه الغدة ودوم العشا شعرية ولوما الابو يريد الاكل ما طبخت بجدريه مرة الابو ما تنجرع لو تنكلب حوريه هذا الاخذ سوريه اظن مثل الاخذ مصريه الله الخلق مرة الابو ما اظن خلقها مريه يبقى الحقد بيها طبع واللؤم والسرية بالكلب باقي ولو طلع تلبس عليه صدريه ولو حبلت وجابت ولد تطلع ولدها خريه بحضن الابو تنام وحضن الولدتنه بالبريه عافتنه يحكمنا القدر والقدر من قدريه شوفيها امنا شخلفت لو ورده لو جوريه قدريه لو بيها بخت ما انحرمت الذريه قدريه ريتج بالامن لو شرطي بالدوريه ما تنعدل مرة الابو الا بعصا سحريه لم اجد افضل من اسم قدرية لامراة الاب المسيئة ...

ومصادق الله الزنكين

الجمعة 1 , 01, 2010
ومصادق الله الزنكين وماله شغل بالفقره ميدور الله المسكين كلما ينوح يدفره حتى المريض المشلول ميفكر الله ينصره وشوف الغني جيه محظوظ تبريد يلكه بكبره اما الفقير المكرود ما يلكه حتى الحفرة من يشتكي ويترجاه يغضب عليه ويهطره والغني مطنش فرحان يكفر بدل ميشكره ويزيده الله وينطيه وكلما يزيده ينكره متعجب الله بايوب لو زهك الله يعذره خلينزل الله وخيشوف صبري خلص لو صبره كتبت قبل اجراء العملية الجراحية لازالة الغضروف في الفقرات القطنية العام 1999 وبعد ان اضطررت لبيع مكتبتي...

احلام الوفاء

الجمعة 1 , 01, 2010
يا هو الكتل روكي وليش حرض على كتلتها حارسنه جانت والناس تتعجب بقدرتها بالليل تحرس والصبح ما حست بوحدتها للمدرسة توصل الولد وجانت صدك ونستها الكحاب شغلتها انتهت وتعطلت شغلتها حتى الحراميه انتهوا من جربوا عضتها جانت وفيه الكل وفي وادري الوفة صنعتها حتى اليبيعون الصبح متأمن الغفوتها ما اذت الاذاها وابد ما اذت الاذتها احنه الاهل جنه واظن ما حست بوحدتها جم طلقه ضاعت بالهوا شمعنى نجت طلقتها هذا الكتل روكي شعجب ما فكر ابزرتها متعجب شلون الناس صار الطمع لذتها وصار الغدر عدهم طبع وادري الغدر طينتها صاروا عبيد الدولار ولو نثيه جا عبدتها لا واحد يصيح الداد مهما قست حدتها ولا وحده كالت مليت ولا حارت بعيشتها متونسه كلها تريد بس تفلت بفرصتها اخلاقهم صارت صفر بسعر الصفر باعتها الناس ساعتهم دنت ويمكن دنت ساعتها كانت احدى الكلاب السائبات التي احبها صغار الحي الذين كانوا يلعبون معها عندما يملون من اللعب بالكرة او بسواها ولطالما صابحتهم الى المدرسة واطلقوا عليها اسم روكي وعاشت معنا اكثر من سنتين وتم قتلها في احدى الامسيات من قبل ازلام النظام في المنظمة الحزبية بناء على طلب ورجاء من ...

ياربي ليش

الجمعة 1 , 01, 2010
  ياربي ليش تصير ويه اليظلمون لا انته ترحمني ولا هم اليرحمون وتدري انته بيهم جذب باسمك يحلفون تجار صاروا بالدغش وكدامه صاروا يمشون تجار لكن قشمره وع الفلس كاموا يبجون والدين عدهم بس حجي وما اظن حجيهم موزون باكوني واكلوا حصتي وطلعوا علي يضحكون وكالوا علي مخبل وصرت بنظرهم مجنون كتبت بعد عودتي من الشورجة ايام الحصار الذي سماه الظالمون لئيما ولم يستفد منه سوى المنافقين الذين لازال قسم منهم يتباكى الان على تلك الايام السوداء...

تسالني

الجمعة 1 , 01, 2010
تسالني عن حالي وانا عنك حبيبي سالته شعندك حبيبي ع الكلب تسالني وانته هملته تسالني وانته ملوعه من يوم عفته وفته عفت الكلب لايب على شوفتك من هجرته هجرته وابد مافكرت بهجرك حبيبي ذبحته وتدري الكلب ماعافاك وعنده ابدالك دسته من يوم شافك بالحلم واتورط وقشمرته صرت انته اول من عشك ولجلك طلع من صمته حبك وأنته معلله ويدري اشكثر عللته ومأمله تبقى الوفي وماتعب من املته عشمتك اني بالوفه وكلبي بغدر عشمته لاجلك انا بابي فتحت وانته العذولي افتحته وسرك انا صنته وابد سري شعجب ماصنته علموك اهلك ع الغدر وعلموني اهلي السكته ...

تسألني عن حالي

الجمعة 1 , 01, 2010
تسألني عن حالي وأنا محيرني حالو مشغول بالي وهالولد ما انشغل بالو محروم رايد شوفته ورايد وصالو عبالي يوفي بحبه لي واغدر عبالو يعجبني اسهر للصبح واكعد أكبالو محبوبي كلي أشغيرك والعشك مالو ليش الهوى بسرعه انكضه وذابت حبالو شو بالعجل كلبك جفه وانكلب حالو وانسيت حبي وقررت تعشك بدالو جم مرة كلبك مال الي ومكدر انالو وتاليها تنسى وننتهي وكلمن بحالو حريمة العشك من اوله تيتم جهالو *** الحسن يوسف حصله وبس هو نالو ومرة العزيز تراوده وترصد افعالو بالبيت وحده وحصرته وسدت اقفالو واشحده يفلت لو فلت يطلع محالو الجو صفالي مكيفه والجو صفا لو شكت قميصه وخلته منشده بالو وتكله هيت وما يجي ويكلها لالو ويكلها رجلج لو أجه هوه ورجالو شرد آنه اكله لو سأل واعرف سؤالو صعبة آنه ارده ولو ردت اصعب جدالو وادري آنه رجلج لاجلج يغير اقوالو النسوه سمعن والطرف مكلوبه حالو يوسف سحرها بفتنته وماغرها مالو خلاها حبه مسودنه وصارت خبالو يازليخه جوزي من الولد مالج ومالو معقوله هيجي يغيرج شكله وجمالو دزت عليهن مغضبة وكالت تعالو هذا الذي بمحبته كلتن وك...

احلام الصغار

الجمعة 1 , 01, 2010
الله الخلق روحين من بيضه وحده واحد يحلها بساع والثاني بعده البيضة وحده وصار العقل نصين واحد يحلها بساع والثاني بعدين البيضة وحده وصار العقل أقسام واحد طلع أستاذ والثاني رسام البيضة وحده وصار العقل سالم واحد طلع فنان والثاني عالم محمد أريده اليوم يطلعلي دكتور ويعالج البطات والهاشه والثور بلكت طبيب يصير ويكتب علاجات بلكت يعوف الديج وينسى الدجاجات لو دخل علمي وصار كل وكت شاطر صدك طبيب يصير ويلبس مناضر محمد اريده يصير ويفتح عياده نفتخر كلنه و بيه تفخر عباده محمد اريده يصير ويفتح عياده و ع الحايط المصبوغ يعلك الشهاده محمد أذا عفتوه ويه الدجاجات البطه عمته تصير وتطلعله خالات محمد أذا عفتوه بالقفص يلعب ويه الدجاج يكوم ياكل ويشرب جعفر أظنه يصير أحسن مهندس يبني فلل وبيوت وبيهن يعرس لا تخلي جعفر يوم موهبته هوسه ويه الدراسه أنطيه كل وكت بوسه لو جعفر أداريه يحقق رغبتك وتنطيه ورق وأقلام يطول ركبتك جعفر أريده يصير صاحب ملايين سياره عنده وبيت وحسابه بالصين لو ركد جعفر يوم ياكل ويسمن يطلع صدك رسام ويشتغل بالفن ...
المواضيع الجديدة »